Տավուշի մարզպետի աշխատակազմ

Այսօր կայացավ Տավուշի մարզի խորհրդի հերթական նիստը, որը վարեց մարզպետ Հայկ Ղալումյանը։

Օրակարգի առաջին հարցով մարզպետի աշխատակազմի զարգացման ծրագրերի մշակման և իրականացման բաժնի պետ Գուրգեն Հարությունյանը զեկուցեց 2022-2023 թվականներին իրականացված և ընթացքի մեջ գտնվող սուբվենցիոն ծրագրերի և 2024 թվականի նախնական հայտերի մասին։
Այնուհետև մարզի համայնքների 2023 թվականի տեղական բյուջեների սեփական եկամուտների կատարման ընթացքը ներկայացրեց մարզպետի աշխատակազմի ֆինանսական վարչության պետ Ասքանազ Բաբլումյանը։
Հաջորդ հարցով գյուղատնտեսության և շրջակա միջավայրի պահպանության վարչության պետ Վաղարշակ Հարությունյանը զեկուցեց Տավուշի մարզում գյուղատնտեսական աշխատանքների ընթացքի մասին (բերքահավաք, ՀՀ կառավարության կողմից ոլորտում իրականացվող ծրագրերի իրազեկման աշխատանքներ)։
Մարզպետի աշխատակազմի կրթության, մշակույթի և սպորտի վարչության պետ Մերուժան Հարությունյանն իր զեկույցում խոսեց մարզի հանրակրթական դպրոցներում 2023-2024 ուսումնական տարվա մեկնարկի, կրթական գործընթացի կազմակերպման հիմնական խնդիրների մասին։

Մարզխորհրդի նիստում քննարկվեցին նաև Արցախից տեղահանված մեր հայրենակիցներին մարզում տեղավորելու, հումանիտար և բժշկական անհրաժեշտ աջակցություն ցուցաբերելու հարցեր։ Այս ուղղությամբ արվեցին մի շարք գործնական առաջարկներ, տրվեցին համապատասխան հանձնարարականներ։

Հետևեք մեզ նաև Telegram-ում