Տեղեկատվական կենտրոն
Նորություններ
ՀՀ Տավուշի մարզպետ Հայկ Ղալումյանը ծանոթացել է ավտոճանապարհի հիմնանորոգման աշխատանքների որակի
04.09.2023
ՀՀ Տավուշի մարզպետ Հայկ Ղալումյանը օրերս կատարած աշխատանքային այցի շրջանակներում ծանոթացել է Հ-38, /Հ-30/-Թթուջուր-Նավուր-/Հ-36/ հանրապետական նշանակության ավտոճանապարհի հիմնանորոգման աշխատանքների որակին և կատարման ընթացքին։
2023-24թթ․ ՀՀ պետական բյուջեի միջոցներով ՀՀ ՏԿԵՆ, Ճանապարհային դեպարտամենտի պատվիրատվությամբ իրականացվում է Թթուջթր-Նավուր 40 կմ ընդհանուր երկարությամբ 2 ճանապարհահատվածի հիմնանոերոգման աշխատանքներ, կապալառուներ՝ «Քարավան» ՍՊԸ կմ 15+000 - կմ 40+100 25 կմ հատվածի հիմնանորոգում և «Քոստրակշեն Բիլդեր» ՍՊԸ կմ 0+000 - կմ 15+000 15 կմ հատվածի հիմնանորոգում։
«Քարավան» ՍՊԸ-ի կողմից իրականացվել է 12 կմ երկարությամբ ասֆալտբետոնե ստորին շերտի կառուցման, ամբողջությամբ ավազակոպճային ծածկի տեղադրման, ջրահեռացման համակարգի հիմնական տարրերի տեղադրման աշխատանքները, զուգահեռ իրականացվում է խճային ծածկի տեղադրման, ճանապարհային շեպերի, կողային առուների կառուցման և հողային բնույթի աշխատանքներ։ Պլանավորված է մինչև նոյեմբեր ամիս ավարտել ողջ ճանապարհահտվածի ասֆալտբետոնե ստորին շերտի կառուցման և նախատեսված հողային աշխատանքները։
«Քոստրակշեն Բիլդեր» ՍՊԸ-ի կողմից հիմնականում իրականացվում է հողային աշխատանքներ, ավազակոպճային ծածկի տեղադրման, ջրահեռացման համակարգի կառուցման աշխատանքներ ։ Պլանավորված է 15 կմ հատվածի ասֆալտբետոնե շերտերի կառուցման աշխատանքներն իրականացնել 2024թ․։
Ծրագրի արժեքը կազմում է ավելի քան 6 մլրդ․ դրամ։
Հետևեք մեզ նաև Telegram-ում