Տեղեկատվական կենտրոն
Նորություններ
ՀՀ Տավուշի մարզպետի աշխատակազմում անց է կացվել ընդլայված քննարկում
28.08.2023
![](http://tavush.mtad.am/files/n_pics/36106_s.jpg)
Այսօր` օգոստոսի 28-ին, ՀՀ Տավուշի մարզպետի աշխատակազմում անց է կացվել ընդլայված քննարկում երեխաների նկատմամբ համացանցում տարածված բռնության դեպքի առնչությամբ։
Քննարկմանը մասնակցել են բոլոր համայնքների ներկայացուցիչները, խնամակալության և հոգաբարձության մարմիններ, սոցիալական աշխատողներ, ՀՀ ԱՍՀՆ ՄՍԾ տարածքային կենտրոնների աշխատակիցներ, ՀՀ ՆԳՆ Տավուշի մարզի ոստիկանության բաժինների ԱԳ և ԸԲԿ աշխատակիցներ։
Քննարկման ընթացքում տրվել են պարզաբանումներ մարզում կյանքի դժվարին իրավիճակում հայտնված և հայտնվելու ռիսկի գոտում գտնվող երեխաների, նրանց ընտանիքների հետ տարվող աշխատանքների վերաբերյալ, ինչպես նաև մասնակիցների կողմից ներկայացվել են առաջարկություններ վերոնշյալ երեխաների բացահայտման աշխատանքների ակտիվացման ուղղությամբ։
Այս եւ օգոստոսի 23-ին կայացած քննարկումների արդյունքում որոշվել է աշխատանքների ակտիվացման նպատակով առանձին շարունակական քննարկումներ կազմակերպել մարզի 4 համայնքներում՝ շահագրգիռ պետական և ոչ պետական կառույցների մասնակցությամբ։
Հետևեք մեզ նաև Telegram-ում