Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տավուշի մարզպետ Հայկ Ղալումյանն այսօր ընդունել է Արմեն Տիրատուրյանին և Աննա Գյուրջյանին
25.08.2023
Տավուշի մարզպետ Հայկ Ղալումյանն այսօր ընդունել է ԵՄ «Տեղական դերակատարների զորեղացում հանուն զարգացման Լոռու և Տավուշի մարզերում» (LEADER) ծրագրի ղեկավար Արմեն Տիրատուրյանին եւ ՄԱԿ-ի զարգացման ծրագրի սոցիալ տնտեսական զարգացման ծրագրերի տնօրեն Աննա Գյուրջյանին:
Հանդիպման նպատակն էր հանգամանալի ներկայացնել ծրագրի շրջանակներում մարզում կատարված աշխատանքները, ծրագրի նպատակներն ու առաջիկա անելիքները:
Հանդիպմանը ներկա էր նաեւ Տավուշի մարզպետի աշխատակազմի զարգացման ծրագրերի մշակման և իրականացման բաժնի պետ Գուրգեն Հարությունյանը:
Արմեն Տիրատուրյանը մարզպետին տեղեկացրեց, որ ծրագրի շրջանակներում Տավուշում եւ Լոռիում ստեղծվել են հինգ Տեղական ակտիվ խմբեր (ՏԱԽ-եր), որոնք բաղկացած են պետական, մասնավոր և քաղաքացիական հասարակության ներկայացուցիչներից:
Հայկ Ղալումյանը շնորհակալություն հայտնեց ծրագիրը մարզում իրականացնելու համար՝ կարևորելով ՏԱԽ-երի դերը համայնքների զարգացման գործում։
Ծրագրի ներկայացուցիչները եւս շնորհակալություն հայտնեցին մարզպետին ծրագրին մշտապես աջակցելու և պատրաստակամության համար։
Նշենք, որ ՏԱԽ-երը մշակել են իրենց ռազմավարական գործողությունների ծրագրերն՝ ուղղված համայնքների բազմակողմանի զարգացմանը:
Այդ ծրագրերն իրականացնելու համար արդեն իսկ հայտարարվել են դրամաշնորհային մրցույթներ, հաղթող ՏԱԽ-երը հնարավորություն կստանան իրականացնել իրենց համայնքային զարգացման ծրագրերը՝ ստանալով ֆինանսական օժանդակություն:
Հետևեք մեզ նաև Telegram-ում
