Տեղեկատվական կենտրոն
Նորություններ
ՀՀ Տավուշի մարզպետ Հայկ Ղալումյանի շնորհավորական ուղերձը Շինարարի օրվա կապակցությամբ
13.08.2023
![](http://tavush.mtad.am/files/n_pics/35967_s.jpg)
Հարգելի շինարարներ, սիրով շնորհավորում եմ ձեզ մասնագիտական տոնի՝ Շինարարի օրվա կապակցությամբ։ Օգոստոսի երկրորդ կիրակին Հայաստանում նշվում է որպես Շինարարի օր։
Հայ ժողովուրդը բոլոր ժամանակներում էլ մեծ հարգանքով ու ակնածանքով է վերաբերվել շինարարին։ Հայ մարդու համար շինարար լինելը մեծ պատասխանատվություն է ու նվիրում, սեփական երկիրը կառուցելու, բարեկեցիկ ու գեղեցիկ դարձնելու ապրելաձև։ Շինարարությունը միշտ էլ եղել ու մնում է մեր երկրի առանցքային ոլորտներից մեկը։
Օրվա առթիվ մեկ անգամ ևս շնորհավորում եմ շինարարներին, ոլորտի պատասխանատուներին, մաղթում ամուր առողջություն, հաջողություններ բոլոր նախաձեռնություններում և մասնագիտական նորանոր ձեռքբերումներ։