Տավուշի մարզպետի աշխատակազմ

  Տավուշի մարզպետ Հայկ Ղալումյանն այսօր ընդունել է ՀՀ շրջակա միջավայրի նախարարության Անտառային կոմիտեի նախագահ Վլադիմիր Կիրակոսյանին։

  Հանդիպման ընթացքում քննարկվել են Վարչապետի որոշմամբ ստեղծված անտառային հրդեհների դեմ պայքարի աշխատանքային խմբի գործունեության կազմակերպմանը և աշխատանքների պատշաճ իրականացմանն առնչվող հարցեր։

  Անդրադարձ է եղել անտառային հնարավոր հրդեհավտանգ իրավիճակների մշտադիտարկման, հրդեհների կանխարգելման և անհրաժեշտ կարողությունների գնահատման, արագ արձագանքման, հրդեհների դեմ պայքարի, դրանց հետևանքների տարածմանն ու կանխմանն ուղղված միջոցառումներին վերաբերող հարցերին։ Անդրադարձ է եղել նաև անտառպահպանությանը և անտառվերականգնմանը վերաբերող մի շարք հարցերի։