Տավուշի մարզպետի աշխատակազմ

  Այսօր Տավուշի մարզպետ Հայկ Ղալումյանն ընդունել է ՀՀ մարդու իրավունքների պաշտպան Անահիտ Մանասյանին և ՄԻՊ գրասենյակի աշխատակազմի ներկայացուցիչներին։

  Հանդիպմանը մասնակցել են նաև մարզպետի տեղակալ Նարեկ Ղուշչյանը և մարզպետի աշխատակազմի գլխավոր քարտուղար Արման Գևորգյանը։

  Ողջունելով հյուրերին՝ մարզպետ Հայկ Ղալումյանը կարևորել է նման ձևաչափով հանդիպումների անցկացումը, նշել, որ նմանատիպ հանդիպումների կազմակերպումը կնպաստի, որպեսզի քաղաքացիների կողմից բարձրացված հարցերը լուծվեն համատեղ, ժամանակին և ավելի արդյունավետ։

  Հանդիպման ընթացքում քննարկվել են մարզում մարդու իրավունքների հետ կապված խնդիրներ։ Անդրադարձ է եղել նաև անվտանգային և սոցիալ-տնտեսական հարցերին։