Տավուշի մարզպետի աշխատակազմ

Հարգելի հայրենակիցներ

Ջերմորեն շնորհավորում եմ բոլորիս ՀՀ Սահմանադրության օրվա կապակցությամբ։ 1991 թվականի անկախության հռչակումից հետո Սահմանադրությունն ընդունվեց 1995 թվականի հուլիսի 5-ին, և այդ օրն էլ դարձավ պետական տոն: Անցած տարիներին երկրի Հիմնական օրենքը երկու անգամ հանրաքվեների միջոցով ենթարկվել է փոփոխությունների․ առաջին անգամ 2005 թվականի նոյեմբերի 27-ին, երկրորդ անգամ՝ 2015-ի դեկտեմբերի 6-ին:

Սահմանադրության ընդունումը ժողովրդի և պետության համար ունի պատմական նշանակություն․ այն անկախ պետականության կարևորագույն խորհրդանիշերից է, ներքին համերաշխության, կայունության և երկրի բնականոն զարգացման ապահովման հիմնական երաշխիքներից մեկը։ Սահմանադրության դերն անգնահատելի է մեր երկրի՝ որպես ժողովրդավարական, իրավական և սոցիալական պետության կայացման հարցում։

Հարգելի հայրենակիցներ, մեկ անգամ ևս շնորհավորելով Սահմանադրության օրվա առթիվ, խաղաղություն, առողջություն ու բարեկեցություն եմ մաղթում բոլորիս ընտանիքներին։