Տավուշի մարզպետի աշխատակազմ

         Սիրելի բուժաշխատողներ

   Ջերմորեն շնորհավորում եմ ձեզ մասնագիտական տոնի՝ Բուժաշխատողի օրվա կապակցությամբ։ Բժշկի մասնագիտությունն ամենահին, ամենամարդասիրական ու ամենապահանջված մասնագիտություններից է։ Բոլոր ժամանակներում էլ մարդիկ առանձնակի հարգանքով ու պատկառանքով են վերաբերվել բժշկի մասնագիտությանը։ Իսկ ժամանակակից առողջապահության ու բժիշկների ջանքերն այսօր ուղղված են ոչ միայն հիվանդությունների բուժմանն ու մարդկանց առողջության պահպանմանը, այլև հիվանդությունների կանխարգելմանը։

  Սիրելի բուժաշխատողներ, ամենօրյա դժվարին աշխատանքով, անմնացորդ նվիրումով ու մեծ պատասխանատվությամբ իրականացնելով ձեր մարդասիրական առաքելությունը` դուք առողջություն ու կյանք եք պարգևում ձեր օգնության կարիքն ունեցող մարդկանց:

   Թանկագին բարեկամներ, մեկ անգամ ևս շնորհավորելով մասնագիտական տոնի՝ Բուժաշխատողի օրվա առթիվ, մաղթում եմ ձեզ ամուր առողջություն, երջանկություն ու ամենայն բարիք։