Տեղեկատվական կենտրոն
Նորություններ
«Միմինո» հայ–վրացական մշակութային–խոհարարական փառատոնը Դիլիջանում
17.06.2023
Այսօր՝ հունիսի 17-ին, Դիլիջան քաղաքի կենտրոնական հրապարակում առաջին անգամ տեղի ունեցավ «Միմինո» հայ–վրացական մշակութային-խոհարարական փառատոնը:
Փառատոնին ներկա էին Տավուշի մարզպետի տեղակալ Նարեկ Ղուշչյանը, «Հայ խոհարարական ավանդույթների զարգացման և պահպանման» ՀԿ-ի նախագահ Սեդրակ Մամուլյանը, «Տուրիզմի հայկական ֆեդերացիա» ՀԿ-ի նախագահ Մեխակ Ապրեսյանը, Վրաստանի Հանրապետության պետական պաշտոնյաներ, ներկայացուցիչներ, այլ պաշտոնատար անձինք:
Փառատոնի ընթացքում հայկական և վրացական թիմերը ներկայացրին իրենց խոհանոցների բազմազանությունն ու պատմությունը, պարերն ու երգերը, արվեստն ու արհեստագործական աշխատանքները: Այնուհետեւ կազմակերպվեց մրցույթ մասնակից թիմերի միջև՝ տարբեր անվանակարգերում, իսկ փառատոնի ավարտին կատարվեց մրցանակների շնորհման արարողություն:
Ծրագիրն իրականացվեց ՀՀ Էկոնոմիկայի նախարարության, Զբոսաշրջության կոմիտեի, Դիլիջանի համայնքապետարանի, Տուրիզմի հայկական ֆեդերացիայի, «Հայ խոհարարական ավանդույթների զարգացման և պահպանման» հասարակական կազմակերպության աջակցությամբ: