Տեղեկատվական կենտրոն
Նորություններ
Գետահովիտ գյուղի վարչական տարածքում տեղի ունեցավ ցուցադրական հատուկ տակտիկական ուսումնավարժություն «Որոնողափրկարարական աշխատանքների կազմակերպումը փլուզված շենքերում» թեմայով
15.06.2023
Այսօր՝ հունիսի 15-ին, ՀՀ Տավուշի մարզպետ Հայկ Ղալումյանի ղեկավարությամբ Գետահովիտ գյուղի վարչական տարածքում տեղի ունեցավ ցուցադրական հատուկ տակտիկական ուսումնավարժություն «Որոնողափրկարարական աշխատանքների կազմակերպումը փլուզված շենքերում» թեմայով:
Միջոցառմանը ներկա էին Տավուշի մարզպետի աշխատակազմից մի շարք աշխատակիցներ և այլ պաշտոնատար անձիք:
ւսումնավարժության նպատակն էր կատարելագործել արձագանքող ուժերի գործնական հմտությունները փրկարարական և անհետաձգելի վթարավերականգնողական աշխատանքների իրականացման դեպքում, ինչպես նաև փոխհամագործակցությունը արձագանքող ուժերի միջև:
Ուսումնավարժությանը մասնակցում էին ՀՀ ՆԳՆ ՓԾ Տավուշի ՄՓՎ Իջևանի թիվ 62 հրշեջ-փրկարարական ջոկատից 2 մարտական հաշվարկ, ՀՀ ՆԳՆ ՈՍ Տավուշի մարզի պարեկային ծառայությունից 1 խումբ, «Հայաստանի էլեկտրական ցանցեր» ՓԲԸ «Աղստև» մասնաճյուղի Իջևանի տեղամասի վթարավերականգնողական խումբը, «Գազպրոմ Արմենիա» ՓԲԸ Տավուշի գազաֆիկացման և գազամատակարարման մասնաճյուղի Իջևանի մասնաճյուղի վթարավերականգնողական խումբը և «Վեոլիա ջուր» ՓԲԸ «Հյուսիս» ՇՏ Իջևանի տեղամասի վթարավերականգնողական խումբը: