Տավուշի մարզպետի աշխատակազմ

  Սիրելի հայրենակիցներ, ջերմորեն շնորհավորում եմ ձեզ Ընտանիքի օրվա առթիվ։

 Ընտանիքի միջազգային օրը 1993 թվականին սահմանել է ՄԱԿ-ի Գլխավոր ասամբլեան՝ նպատակ ունենալով հանրության ուշադրությունը հրավիրել ընտանիքի բազմաթիվ խնդիրների վրա: Իսկ 2011 թվականի փետրվարի 9-ին Հայաստանի Ազգային ժողովն ընդունել է «ՀՀ տոների և հիշատակի օրերի մասին» ՀՀ օրենքում լրացում կատարելու մասին» օրենքը, որով մայիսի 15-ը հայկական տոնացույցում ամրագրվել է որպես Ընտանիքի օր:

  Սիրելի հայրենակիցներ, ընտանիքն է հասարակության հիմնաքարը, ուժեղ պետություն ունենալու գրավականը։ Ուստի որքան ամուր ու բարեկեցիկ ընտանիքներ ունենանք, այնքան ուժեղ ու հզոր կլինի մեր պետությունը։

  Հայ մարդն առանձնակի վերաբերմունք ունի ընտանիքի հանդեպ․ այն պաշտամունքի է հասնում։ Ընտանիքում է հայ երեխան մեծանում ու դաստիարակություն ստանում, ընտանիքն է ազգային ու մշկութային ավանդույթները փոխանցում գալիք սերունդներին։

 Եվս մեկ անգամ շնորհավորելով Ընտանիքի օրվա առթիվ՝ խաղաղություն, առողջություն ու երջանկություն եմ մաղթում բոլորիս ընտանիքներին։