Տավուշի մարզպետի աշխատակազմ

 Անցկացվել են «Հայաստանի Հանրապետության Վարչապետի գավաթ» դպրոցականների թիմային խճուղավազքի Տավուշի մարզի նախընտրական փուլի մրցումները։ Միջոցառման մարզային փուլին մասնակցել է 15 դպրոց՝ յուրաքանչյուր թիմում 2 աղջիկ և 5 տղա կազմով:

  Մրցումների մարզային փուլի արդյունքներով առաջին տեղը գրավել է Բերդավանի միջնակարգ դպրոցի թիմը, երկրորդ հորիզոնականում Սևքարի միջնակարգ դպրոցի թիմն էր, երրորդ տեղը զբաղեցրել է Նավուրի միջնակարգ դպրոցը: Մրցանակային տեղեր գրաված թիմերը ԿԳՄՍ նախարարության և Տավուշի մարզպետի կողմից պարգևատրվել են հավաստագրերով։

  Լավագույնը ճանաչված Բերդավանի դպրոցի թիմը մայիսի 20-21-ը կմասնակցի «Հայաստանի Հանրապետության Վարչապետի գավաթ» դպրոցականների թիմային խճուղավազքի հանրապետական եզրափակիչ մրցումներին, որը կանցկացվի Դիլիջան համայնքի Պարզ լիճ տանող ճանապարհի 4 կմ հատվածում։