Տավուշի մարզպետի աշխատակազմ

Տավուշի մարզպետարանի, Իջևանի համայնքապետարանի և վետերան սամբիստների ընկերների աջակցությամբ տեղի է ունեցել սամբո-ըմբշամարտի առաջնություն՝ նվիրված կյանքից անժամանակ հեռացած սամբիստների հիշատակին:

Մարզական միջոցառմանը ներկա են եղել Տավուշի մարզպետ Հայկ Ղալումյանը, Իջևան համայնքի ղեկավար Արթուր Ճաղարյանը և այլ հյուրեր։
Մրցաշարին մասնակցել են պատանի սամբիստներ` Հայաստանի տարբեր քաղաքներից։

Հաղթող մարզիկները պարգևատրվել են գավաթներով և մեդալներով, ինչպես նաև տրվել են դրամական պարգևներ։