Տեղեկատվական կենտրոն
Նորություններ
ՀՀ Տավուշի մարզպետ Հայկ Ղալումյանի շնորհավորական ուղերձը Քաղաքացու օրվա կապակցությամբ
29.04.2023
![](http://tavush.mtad.am/files/n_pics/34885_s.jpg)
Սիրելի հայրենակիցներ
Ջերմորեն շնորհավորում եմ բոլորիս Քաղաքացու օրվա կապակցությամբ։ Այն մեր տոնացույցի ամենաերիտասարդ տոներից է։
2019 թվականի ապրիլի 9-ին Հայաստանի Ազգային ժողովի կողմից ընդունվել է «Տոների և հիշատակի օրերի մասին» Հայաստանի օրենքում լրացում կատարելու մասին օրենքը, որի արդյունքում «Տոների և հիշատակի օրերի մասին» Հայաստանի օրենքի նոր հոդվածը սահմանել է Քաղաքացու օր տոնը։ Համաձայն այդ հոդվածի՝ Հայաստանի Հանրապետության քաղաքացու օրը նշվում է ապրիլի վերջին շաբաթ օրը։
Տոնի հիմքում միասնականության ու համերաշխության գաղափարն է։ Տոնը կարևորում է Քաղաքացու առանցքային դերակատարությունը պետության կայացման ու զարգացան գործում։ Յուրաքանչյուրիս ու մեր բոլորիս ջանքերը պետք է նպատակաուղղված լինեն արժանապատիվ և բարեկեցիկ երկիր կառուցելու գործին։
Սիրելի հայրենակիցներ, մեկ անգամ ևս շնորհավորում եմ Քաղաքացու օրվա առթիվ։ Խաղաղություն, առողջություն ու ամենայն բարիք եմ մաղթում բոլորիդ ընտանիքներին։