Տավուշի մարզպետի աշխատակազմ

 «Հայաստանի Հանրապետության մարզերի, Երևան քաղաքի եւ Արցախի Հանրապետության հանրակրթական դպրոցների 7-12-րդ դասարանների աշակերտների սպարտակիադա» մարզական միջոցառման շրջանակում կայացել են հրաձգության Տավուշի մարզային փուլի մրցումները, որին մասնակցել են համայնքային փուլում հաղթած թիմերը։ Մարզային փուլ էին դուրս եկել Իջևանի թիվ 5 հիմնական դպրոցի, Աղավնավանքի, Արծվաբերդի և Դեբեդավանի միջնակարգ դպրոցների թիմերը։

  Ծավալված լարված ու հետաքրքիր պայքարում հերթական անգամ լավագույն արդյունքներ է գրանցել Արծվաբերդի միջնակարգ դպրոցի թիմը, որն էլ կմասնակցի ապրիլի 12-ին Երևանում կայանալիք սպարտակիադայի հանրապետական մրցումներին։ 2-րդ տեղում Իջևանի թիվ 5 հիմնական դպրոցի թիմն էր, 3-րդ տեղը գրավել են Աղավնավանքի դպրոցականները։