Տավուշի մարզպետի աշխատակազմ

  Սիրելի՛ կանայք, մայրեր ու քույրեր, ջերմորեն շնորհավորում եմ ձեզ Ապրիլի 7-ի՝ Մայրության ու գեղեցկության տոնի առթիվ։

 Հայ կնոջ առաջին կոչումը մայրությունն է։ Անգնահատելի է նրա դերը ընտանիքի ամրության, երեխաների հայեցի դաստիարակության ու կրթության, ազգային ու ընտանեկան ավանդույթների պահպանման գործում:

 Գարնանային այս գեղեցիկ տոնի կապակցությամբ առանձնահատուկ շնորհավորում եմ կյանքը հայրենիքին նվիրած մեր հերոսների մայրերին, գլուխ եմ խոնարհում մեր նահատակների անմար հիշատակի առաջ։ Թող որ այսուհետ ոչ մի մայր որդու, հարազատի կորստյան ցավ չապրի:

 Իմ ամենաջերմ շնորհավորանքները նաև այն մայրերին, ում որդիներն այսօր հսկում ու անառիկ են պահում մեր երկրի սահմանները։

  Սիրելի՛ կանայք, մայրեր ու քույրեր, մեկ անգամ ևս շնորհավորելով Մայրության ու գեղեցկության տոնի առթիվ, խաղաղություն, առողջություն ու երջանկություն եմ մաղթում բոլորիդ։

  Թող որ միշտ շրջապատված լինեք ձեզ հարազատ ու սրտամոտ մարդկանցով, հոգատարությամբ ու ջերմությամբ։