Տավուշի մարզպետի աշխատակազմ

  Տավուշի մարզն արժանացել է ՀՀ կրթության, գիտության, մշակույթի և սպորտի նախարարության շնորհակալագրի «Հայաստանի Հանրապետության վարչապետի գավաթ» սեղանի թենիսի սիրողական մրցաշարին լավագույնս մասնակցելու համար։

  Նշենք, որ մրցաշարն անց է կացվել երկու տարիքային և գործող պրոֆեսիոնալ մարզիկների խմբերով, 2 փուլով՝ մարզային և եզրափակիչ։

  1-ին տարիքային խմբում մրցումներին մասնակցել են 18-40 տարեկան կանայք և տղամարդիկ, երկրորդում՝ 41 և բարձր տարիքի կանայք և տղամարդիկ։

 Մրցաշարի մարզային փուլին մասնակցել է 163 մարզիկ։ Նրանցից եզրափակիչ են դուրս եկել 12-ը։