Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
Տավուշի մարզպետ Հայկ Ղալումյանը Դիլիջան համայնքի ղեկավար Դավիթ Սարգսյանի ուղեկցությամբ շրջել է Դիլիջան քաղաքում և ծանոթացել այս պահին իրականացվող շինարարական աշխատանքներին:
28.03.2023
Մարզպետն այցելել է Հովհ. Շարամբեյանի անվան մանկական գեղարվեստի դպրոցի շենք, Օրջոնիկիձե և Կամարինի փողոցներ, Մշակույթի պալատի շենք:
Դեռևս 2022 թվականին ՀՀ Կառավարության սուբվենցիոն ծրագրով և Դիլիջանի համայնքապետարանի համաֆինանսավորմամբ մեկնարկել են այս համայնքային ենթակառուցվածքների բարելավման աշխատանքները: Դրանք դադարել էին եղանակային անբարենպաստ պայմանների պատճառով, իսկ վերջին շրջանում բարենպաստ պայմանների արդյունքում աշխատանքները կրկին վերսկսվել են:
Այս պահին Դիլիջան քաղաքի առանձին վայրերում իրականացվում են հիմնանորոգման, ասֆալտապատման, տուֆապատման, սալարկման, մայթերի վերանորոգման, հենապատերի կառուցման, շենքերի արտաքին և ներքին տեսքի վերանորոգման աշխատանքներ:
