Տավուշի մարզպետի աշխատակազմ

  Այսօր Իջևանի մարզադպրոցում անցկացվեց «ՀՀ վարչապետի գավաթ» սեղանի թենիսի սիրողական մրցաշարի Տավուշի մարզային փուլը։

  Մրցաշարն անց է կացվում երկու տարիքային և գործող պրոֆեսիոնալ մարզիկների խմբերով, 2 փուլով՝ մարզային և եզրափակիչ։ 1-ին տարիքային խմբում մրցումներին մասնակցում են 18-40 տարեկան կանայք և տղամարդիկ, երկրորդում՝ 41 և բարձր տարիքի կանայք և տղամարդիկ։

  Մրցաշարի եզրափակիչ փուլին մասնակցելու համար յուրաքանչյուր տարիքային խմբում 1-ից 3-րդ տեղեր գրաված մարզիկների տվյալները /18 մասնակից և 1 ներկայացուցիչ/ կներկայացվեն ՀՀ կրթության, գիտության, մշակույթի և սպորտի նախարարության սպորտի քաղաքականության վարչություն։

  Տեղեկացնենք նաև, որ եզրափակիչ փուլի մրցաշարն անց է կացվելու Կոտայքի մարզի Չարենցավան քաղաքում։