Տեղեկատվական կենտրոն
Նորություններ
Անցկացվեց կենսաբանություն առարկայից դպրոցականների օլիմպիադայի մարզային փուլը
02.02.2023
Փետրվարի 2-ին Իջևանի թիվ 1 հիմնական դպրոցում անցկացվեց կենսաբանություն առարկայից դպրոցականների օլիմպիադայի մարզային փուլը։ Մարզային փուլին մասնակցում էր դպրոցական փուլում լավագույն արդյունքներ ցուցաբերած 10 աշակերտ։
Օլիմպիադայի ընթացքում իրականացվեցին նաև փորձարարական աշխատանքներ բուսաբանությունից և կենդանաբանությունից։ Աշակերտներն ապահովվել էին անհրաժեշտ քանակի խալաթներով, ձեռնոցներով, մանրադիտակներով ու խոշորացույցներով։
Համաձայն հանրապետական կազմկոմիտեի որոշման՝ մարզային փուլը հաղթահարած դպրոցականները կմասնակցեն օլիմպիադայի երրորդ՝ հանրապետական փուլին։
Տեղեկացնենք նաև, որ օլիմպիադայի երրորդ փուլի 10-12-րդ դասարանների դիպլոմակիրները համարվում են միջազգային օլիմպիադաների ՀՀ թիմի հավակնորդներ: