Տեղեկատվական կենտրոն
Նորություններ
Առողջապահության նախարարության և Տավուշի մարզպետարանի համատեղ ջանքերով անցկացվեց «Առողջ ապրելակերպի արշավ»
25.10.2022
Հոկտեմբերի 23-ին Առողջապահության նախարարության և Տավուշի մարզպետարանի համատեղ ջանքերով անցկացվեց «Առողջ ապրելակերպի արշավ»: Արշավին մասնակցեցին Առողջապահության նախարարի առաջին տեղակալ Լենա Նանուշյանը, Տավուշի փոխմարզպետ Նարեկ Ղուշչյանը, նախարարության և մարզպետարանի ներկայացուցիչներ:
Միջոցառումը սկսվեց քայլերթով, ինչին հետևեց բացման արարողությունը Իջևանի շատրվանների հրապարակում:
Միջոցառմանը ընդգրկված դպրոցները տաղավարներում պատրաստեցին առողջ սննդի տարբեր օրինակներ և հյուրասիրեցին բոլորին:
Սպորտլանդիան, ինտերակտիվ թատրոնը, բակային խաղերը բարձր տրամադրություն ապահովեցին միջոցառման ընթացքում:
Տաղավարներում տարբեր մասնագետների կողմից մասնագիտական խորհրդատվություններ տրվեցին առողջ ապրելակերպի վարքագծի ձևավորման վերաբերյալ: