Տավուշի մարզպետի աշխատակազմ

Սիրելի ուսուցիչներ,

Ջերմորեն շնորհավորում եմ Ձեզ մասնագիտական տոնի՝ Ուսուցչի օրվա առթիվ։ Օրը մեր պետական տոնացույցի կարևորագույն տոներից է և մի հիանալի առիթ՝ մեկ անգամ ևս մեր երախտիքի խոսքն ու բարեմաղթանքները հղելու ձեզ ձեր շնորհակալ աշխատանքի համար։ Տոնը հոգեհարազատ է յուրաքանչյուր հայի համար, ով մտահոգ է իր երկրի ու պետականության ապագայով:

Սիրելի ուսուցիչներ, բարդ ու պատասխանատու ու նաև հայրենանվեր ու ազգանվեր աշխատանք եք կատարում դուք՝ ձեզ վրա վերցնելով մատաղ սերունդ և հասարակության համար արժանապատիվ քաղաքացիներ կրթելու դժվարին գործը։ Գաղտնիք չէ, որ հենց ուսուցչին է վերապահված մեր հայրենիքի վաղվա օրվա ձևավորման առաքելությունը, ինչը դուք կատարում եք պատվով, անտրտունջ, երբեմն նույնիսկ ոչ դյուրին պայմաններում:

Սիրելի ուսուցիչներ, մեկ անգամ ևս շնորհավորելով մասնագիտական տոնի՝ Ուսուցչի օրվա առթիվ, մաղթում եմ ձեզ քաջառողջություն, երջանկություն և նորանոր հաջողություններ ու ձեռքբերումներ ուսումնական գործընթացում։

Շնորհակալություն բոլորիդ ձեր հայրենանվեր աշխատանքի ու վաստակի համար։