Տավուշի մարզպետի աշխատակազմ

  «Շենգավիթ» բժշկական կենտրոնը ՀՀ Տավուշի մարզպետարանի աջակցությամբ սեպտեմբերի 10-11-ը կազմակերպում է բարեգործական բուժայց Տավուշի մարզի Բերդի բժշկական կենտրոն, որտեղ մի շարք մասնագետների կողմից կիրականացվեն խորհրդատվություն, բուժզննում, բուժման նշանակում, անհրաժեշտության դեպքում՝ դեղորայքի ապահովում, հետագայում նաև վիրահատությունների կազմակերպում «Շենգավիթ» ԲԿ-ում։  

 Բուժայցի շրջանակներում ակնաբուժական շարժական կլինիկայում իրականացվելու են մասնագիտական ակնաբուժական խորհրդատվություններ, հետազոտություններ և ամբուլատոր վիրահատություններ։

 Այցի շրջանակներում իրականացվելու են նաև դուպլեքս, սոնոգրաֆիկ հետազոտություններ՝ ԲԿ-ի կողմից տրամադրված շարժական սոնոգրաֆիկ սարքավորումով։

 «Շենգավիթ» ԲԿ-ի տնօրինության կողմից Բերդի ԲԿ-ին տրամադրվելու են անհրաժեշտ դեղորայք և բուժպարագաներ։

 Ստորև ներկայացնում ենք բարեգործական բուժայց իրականացնող մասնագետների ցանկը․

1․ Անոթային վիրաբույժ
2․ Նյարդաբան
3․ Ընդհանուր վիրաբույժ
4․ Ակնաբույժ
5․ Դուպլեքս մասնագետ
6․ Ճառագայթաբան /ՈՒՀՁ/
7․ Էնդոկրինոլոգ
8․ Մաշկաբան
9․ Ուրոլոգ