Տեղեկատվական կենտրոն
Նորություններ
ՀՀ Տավուշի մարզպետ Հայկ Ղալումյանի շնորհավորական ուղերձը Գիտելիքի օրվա կապակցությամբ
01.09.2022
![](http://tavush.mtad.am/files/n_pics/32846_s.jpg)
Սիրելի դպրոցականներ, ուսանողներ, ուսուցիչներ ու դասախոսներ, ծնողներ
Սիրով շնորհավորում եմ ձեզ Գիտելիքի օրվա ու նոր ուսումնական տարվա մեկնարկի կապակցությամբ: Բոլոր ժամանակներում էլ հայ մարդը պաշտամունքային մոտեցում է ունեցել գրի, դպրության և ուսուցչի հանդեպ, գիտելիքը հայ ժողովրդի համար եղել է գերագույն արժեքներից մեկը։ Իսկ գաղտնիք չէ, որ յուրաքանչյուր երկրի զարգացման ու հզորացման կարևորագույն գրավականը գիտելիքներով զինված մարդն է: Ուստի զինվեք ու զինեք գիտելիքներով ու այդ գիտելիքները ծառայեցրեք ի շահ մեր երկրի զարգացման ու առաջընթացի։
Օրը հատկապես հիշարժան է 1-ին դասարանցիների համար, ովքեր առաջին անգամ են մուտք գործում դպրոցական կյանք: Թող որ դպրոցական տարիները նրանց համար դառնան գիտելիքների ձեռքբերման ու հարստացման, ինքնաճանաչման ու ինքնադրսևորման, լավ ու բարի հիշողությունների տարիներ:
Մեկ անգամ ևս շնորհավորելով բոլորիս Գիտելիքի օրվա ու նոր ուսումնական տարվա կապակցությամբ՝ մաղթում եմ արդյունավետ ու արգասաբեր ուսումնական տարի, որովհետև միայն արդիական ու հիմնավոր գիտելիքներով կարող ենք դիմակայել ժամանակի մարտահրավերներին։