Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Իջեւանում բացվեց Ուսուցման և ռեսուրսային կենտրոն
02.08.2022
Այսօր՝ օգոստոսի 2-ին, Իջեւանում բացվեց ուսուցման և ռեսուրսային կենտրոն:
Բացման արարողությանը ներկա էին ՀՀ Տավուշի մարզպետի տեղակալ Նարեկ Ղուշչյանը, ՀՀ Էկոնոմիկայի նախարարի տեղակալ Արման Խոջոյանը, Պարենի համաշխարհային ծրագրի հայաստանյան գրասենյակի փոխտնօրեն Նաննա Սկաուին, այլ պաշտոնատար անձինք և հյուրեր:
Միջոցառումը կազմակերպվել էր ՄԱԿ-ի Պարենի համաշխարհային ծրագրի կողմից՝ Տավուշի մարզի ամբողջահատիկի հիմնադրամի, Իջեւանի Ուսուցման եւ ռեսուրսային կենտրոնի հետ համատեղ:
Հյուրերը շրջայց կատարեցին կենտրոնում, որից հետո տեղի ունեցավ ամբողջահատիկից հացամթերքի պատրաստման վարպետության դաս եւ համտես:
Հիշեցնենք, որ ՊՀԾ-ի աջակցությամբ Տավուշի մարզում հիմնվել է ամբողջահատիկ ցորենի ալրաղաց՝ արեւային կայանով:
Տավուշի 75 դպրոցների շուրջ 7100 դպրոցականներ հնարավորություն են ստացել փոխարինել սպիտակ ցորենից պատրաստված հացամթերքը ավելի սննդարար եւ առողջ ամբողջահատիկ հացով:
