Տեղեկատվական կենտրոն
Նորություններ
Քննարկվել են մարզում գյուղատնտեսության զարգացման խնդիրներն ու համագործակցության հնարավորությունները
17.06.2022
![](http://tavush.mtad.am/files/n_pics/32225_s.jpg)
Այսօր Տավուշի մարզպետի տեղակալ Նարեկ Ղուշչյանն ընդունել է շվեյցարական ՀԵԿՍ- ԷՊԵՌ կազմակերպության ներկայացուցիչներին։ Շվեյցարացի հյուրերը նախ ներկայացրել են կազմակերպության գործունեությունը, այնուհետև՝ այցի նպատակը։ Նշվել է, որ կազմակերպությունն արդեն քսան տարուց ավելի է գործունեություն է իրականացնում Հայաստանում՝ ուղղված գյուղատնտեսության ոլորտում կրթական հաստատությունների կարողությունների և մասնագիտական կրթության որակի բարձրացմանը, գյուղատնտեսական տնտեսությունների զարգացմանը։
Ողջունելով հյուրերին՝ մարզպետի տեղակալը նշել է, որ գյուղատնտեսությունը մարզի տնտեսական զարգացման հիմնական ուղղությունն է։ Ներկայացվել են ոլորտի հիմնախնդիրները և գյուղատնտեսության ոլորտի պետական աջակցության ծրագրերը։
Հանդիպման ընթացքում կողմերը քննարկել են մարզում գյուղատնտեսության զարգացման խնդիրներն ու լուծման ճանապարհները, ինչպես նաև համագործակցության հնարավորությունները։