Տավուշի մարզպետի աշխատակազմ

 Այսօր մարզկենտրոն Իջևանում անցկացվեց «ՀՀ վարչապետի գավաթ» դպրոցականների թիմային խճուղավազքի մարզային փուլը։ Մրցաշարին մասնակցեցին համայնքային փուլում հաղթած չորս թիմերը՝ 5 տղա 2 աղջիկ կազմով։

 4000 մետր մրցատարածությունը առաջինը հաղթահարեց և հանրապետական փուլին մասնակցելու իրավունքը նվաճեց Նավուրի միջնակարգ դպրոցի թիմը։ Մրցանակային 2-րդ տեղը գրավեց Բերդավանի միջնակարգ դպրոցի թիմը։ 3-րդ տեղում Սևքարի միջնակարգ դպրոցն էր։ Մրցաշարային աղյուսակը եզրափակեցին Դիլիջանի Վ․ Անանյանի անվան թիվ 5 միջնակարգ դպրոցի վազորդները։ 

  Մարզային փուլին մասնակցած չորս թիմերն էլ պարգևատրվեցին Տավուշի մարզպետի շնորհակալագրերով։