Տավուշի մարզպետի աշխատակազմ

 Հայաստանի ֆիզիկական կուլտուրայի և սպորտի պետական ինստիտուտում կայացավ Հայաստանի Հանրապետության մարզերի, Երևան քաղաքի, Արցախի Հանրապետության հանրակրթական դպրոցների 7-12-րդ դասարանների սպարտակիադա մարզական միջոցառման ծրագրով անցկացվող բազկամարտի մրցումների հանրապետական փուլը։ Մրցումներում հաջողությամբ հանդես եկավ Տավուշի մարզի հավաքական թիմը՝ 6 տղա և 4 աղջիկ կազմով։
 Տասը քաշային կարգերում մեր մարզիկները զբաղեցրին 2 առաջին և 3 երկրորդ մրցանակային տեղեր։ 1-ին տեղ գրավեցին Իջևանի ավագ դպրոցի սան Դիանա Փարսադանյանը և Էրիկ Հարությունյանը Գետահովտի միջնակարգ դպրոցից։ Երկրորդ հորիզոնականը զբաղեցրին Մանե Եգանյանը Աչաջրի միջնակարգ դպրոցից, Արթուր Շահնազարյանը Իջևանի ավագ դպրոցից և Դանիել Դովլաթբեկյանը Գանձաքարի միջնակարգ դպրոցից։
 Մրցանակային տեղեր զբաղեցրած մեր պատանի մարզիկները ՀՀ կրթության, գիտության, մշակույթի և սպորտի նախարարության կողմից պարգևատրվեցին համապատասխան կարգի հավաստագրերով, մեդալներով ու գավաթներով։