Տավուշի մարզպետի աշխատակազմ

   Ապրիլի 24-ին Հայոց մեծ եղեռնի զոհերի հիշատակի 107-րդ տարելիցի կապակցությամբ սգո երթ էր կազմակերպվել մարզկենտրոն Իջևանում։ Միջոցառման մասնակիցները առավոտյան մարզպետարանին հարող Սահմանադրության հրապարակից քայլեցին դեպի 1915 թվականին օսմանյան կայսրության կողմից կազմակերպված Մեծ եղեռնի սուրբ նահատակների հիշատակը հավերժացնող հուշահամալիր։

Երթին մասնակցում էին մարզի ղեկավարությունը` Տավուշի մարզպետ Հայկ Ղալումյանի գլխավորությամբ, պետական մարմինների, մտավորականության, քաղաքացիական հասարակության ներկայացուցիչներ, ուսանողներ ու դպրոցականներ:

Ի հիշատակ ցեղասպանությանը զոհ գնացած ավելի քան մեկուկես միլիոն հայերի՝ հուշարձանին ծաղկեպսակներ դրվեցին Տավուշի մարզպետարանի, Իջևանի համայնքապետարանի, տարբեր կազմակերպությունների անունից, խոնարհվեցին հազարավոր ծաղիկներ։