Տավուշի մարզպետի աշխատակազմ

  Այսօր Տավուշի մարզպետարանում տեղի ունեցավ ՀՀ շուկայի վերահսկողության տեսչական մարմնի ղեկավար կազմի իրազեկում-հանդիպումը մարզի ոչ պարենային արտադրանքների (նավթամթերք, հեղուկացված գազ, ԱԳԼՃԿ-ներ, խաղալիքներ, օծանելիքակոսմետիկական արտադրանք, չափագիտական վերահսկողության ենթակա բուժհաստատություններ և պոլիկլինիկաներ, խանութներ և այլն) ոլորտում գործունեություն ծավալող տնտեսվարողների հետ։
  Հանդիպմանը ներկա էին մարզպետի տեղակալ Նարեկ Ղուշչյանը, մարզպետարանի համապատասխան ոլորտի պատասխանատուները։
 Շուկայի վերահսկողության տեսչական մարմնի ղեկավար Արմեն Կոտոլյանը և տեսչական մարմնի աշխատակիցները հանդիպման մասնակիցներին իրազեկեցին ոչ պարենային արտադրանքների ոլորտը կարգավորող օրենսդրական և ենթաօրենսդրական փոփոխությունների, վերահսկողության նոր մեխանիզմների և տեխնիկական կանոնակարգի պահանջների մասին։