Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քննարկվել են համագործակցության շրջանակը մեծացնելու և գործունեության ոլորտներն ընդլայնելու հնարավորությունները
28.03.2022
Այսօր Տավուշի մարզպետ Հայկ Ղալումյանն ընդունեց Ֆրանսիայի տարածքային ինքնակառավարման նախարարության արտաքին համագործակցության գծով ղեկավարի տեղակալ Քսավիե դը Արգյովին։ Ողջունելով հյուրին՝ մարզպետը նախ շնորհավորեց նրան հայ-ֆրանսիական դիվանագիտական հարաբերությունների հաստատման 30-ամյակի կապակցությամբ, այնուհետև անդրադարձավ Ֆրանսիայի Օ դը Սենի գլխավոր խորհրդի և Տավուշի մարզի միջև համագործակցությանը, Օ դը Սենի ֆինանսավորմամբ մարզում իրականացված ծրագրերին, որոնք վերաբերել են հիմնականում գյուղատնտեսության ոլորտին։
Շնորհակալություն հայտնելով ընդունելության համար՝ Քսավիե դը Արգյովը նշեց, որ նախարարությունը, որն ինքը ներկայացնում է, հետաքրքրված է տեղական ինքնակառավարման մարմինների հետ համագործակցությամբ։ Հետաքրքվեց Տավուշի մարզի հետ համագործակցության շրջանակը մեծացնելու և գործունեության ոլորտներն ընդլայնելու հնարավորություններով։
Մարզպետ Հայկ Ղալումյանը նշեց, որ համայնքների խոշորացմամբ մեծացել են նրանց հնարավորություններն ու համագործակցության շրջանակները և իր պատրաստակամությունը հայտնեց՝ աջակցելու մարզում ապակենտրոնացված համագործակցության զարգացմանը։
