Տավուշի մարզպետի աշխատակազմ

Հոկտեմբերի 6-ին Տավուշի մարզի համայնքների ղեկավարների և ներկայացուցիչների հետ տեղի է ունեցել «ԵՄ-ը հանուն միգրանտների ներուժի օգտագործման՝ ի նպաստ Հայաստանի զարգացման» ծրագրի իրազեկման հանդիպումը:
Հանդիպման ընթացքում ներկայացվել է «ԵՄ-ը հանուն միգրանտների ներուժի օգտագործման՝ ի նպաստ Հայաստանի զարգացման» ծրագրի նպատակը և հայտադիմումներ ընդունելու կարգը:

Ծրագրի նպատակն է աջակցել միգրատներին և նրանց ընտանիքների անդամներին, ստեղծել կամ զարգացնել իրենց բիզնեսը: Բոլոր դիմորդները անցնելու են բիզնես դասընթացներ, որոնք մշակվելու են Իրիս բիզնես ինկուբատորի կողմից՝ հաշվի առնելով անհատական կարիքները:

Ծրագրի միջոցով դուք կարող եք ստանալ 2.000 եվրոյից մինչև 10.000 եվրո դրամաշնորհ ձեր բիզնեսի ստեղծման կամ զարգացման նպատակով, ինչպես նաև ձեռք բերել գիտելիքներ և հմտություններ ձեր բիզնեսը գրագետ և ճիշտ կառավարելու համար:

• Ծրագրի բոլոր մանրամասներին կարող եք ծանոթանալ այստեղ՝ https://cutt.ly/hELGL0I
• Ծրագրին կարող եք դիմել առցանց՝ հետեւելով https://forms.gle/WYL23bemsbvA9SVS8 հղմանը կամ սկանավորելով տեղեկատվական թերթիկում զետեղված QR կոդը:

Ծրագիրն իրականացվում է Եվրոպական միության ֆինանսավորմամբ՝ Միգրացիոն քաղաքականության մշակման միջազգային կենտրոնի կողմից: