Տավուշի մարզպետի աշխատակազմ

Վերակառուցվում է Տավուշի մարզի Գանձաքար համայնքի՝ 1960թ․ կառուցված դպրոցը, որը երբեք չի նորոգվել։

Դպրոցի հիմնովին վերակառուցման նպատակով ՀՀ կառավարության և Ասիական զարգացման բանկի կողմից ներդրվել է 1 միլիարդ 882 միլիոն դրամ։ Այն ընդգրկված է Հայաստանի տարածքային զարգացման հիմնադրամի միջոցով իրականացվող` «Դպրոցների սեյսմիկ անվտանգության բարելավման» ծրագրում։

Նոր կառուցվող կրթօջախն իր հարկի տակ կընդունի 480 աշակերտի, որոնց համար կստեղծվեն ժամանակակից կրթություն ստանալու համար անհրաժեշտ բոլոր պայմանները. դպրոցը հարմարեցված կլինի ներառական կրթության համար, կունենա հարմարավետ դասասենյակներ, սպորտդահլիճ, հանդիսությունների դահլիճ, լաբորատորիաներ, վերելակ և այլն։

Դպրոցի շինարարական աշխատանքների մեկնարկը տրվել է օգոստոսին։