Տավուշի մարզպետի աշխատակազմ

Այսօր Տավուշի մարզպետ Հայկ Ղալումյանն ընդունել է Գերմանիայի Դաշնության Բավարիայի երկրամասի Ռեգենի տարածաշրջանի ներկայացուցիչներին` Բավարիայի Ռեգենի շրջանի ժողովրդական բարձրագույն դպրոցի տնօրեն Հերբերտ Ունաշի գլխավորությամբ: Հանդիպման ընթացքում քննարկվել են հետագա համագործակցության շրջանակները: Կողմերը կարևորել են համագործակցության և փորձի փոխանակման անհրաժեշտությունը։

Տավուշի մարզպետ Հայկ Ղալումյանը ողջունել է Ռեգենի շրջանի ժողովրդական բարձրագույն դպրոցի տնօրեն Հերբերտ Ունաշին, շնորհակալություն հայտնել արդեն բարեհաջող իրականացված ծրագրերի համար, միևնույն ժամանակ նա հույս է հայտնել, որ համագործակցությունը կլինի շարունակական:

Հերբերտ Ունաշը նույնպես դրական գնահատական է հնչեցրել կատարված աշխատանքների վերաբերյալ: Ըստ ձեռք բերված պայմանավորվածությունների, Տավուշ-Ռեգեն համագործակցությունը կամրապնդվի նոր ծրագրերով։

Հանդիպման վերջում հյուրերը փոխանակվել են հուշանվերներով: Մարզպետարանում տեղի ունեցած հանդիպումից հետո Ռեգենի տարածաշրջանի ներկայացուցիչները մարզպետ Հայկ Ղալումյանի ուղեկցությամբ այցելել են Իջևանի գինու, կոնյակի գործարան:
------------------------------------
Հիշեցնենք, որ դեռևս 2011 թվականին, ԴՎՎ ինթերնեյշընլի (DVV International in Armenia) նախաձեռնությամբ և միջնորդությամբ, Տավուշի մարզի և Ռեգենի շրջանի ղեկավարների միջև ստորագրվել է համագործակցության հուշագիր։
Համագործակցության համատեքստում ստեղծվել է նաև «Տավուշի մարզի տուրզիմի զարգացման գործակալություն» ՀԿ-ն:
Սրա գործառույթն է՝ տուրիզմի զարգացման համար միջհամայնքային համագործակցության հնարավորություններ ստեղծել ամբողջ մարզում։