Տավուշի մարզպետի աշխատակազմ

Սիրելի հայրենակիցներ,

Հայրենական մեծ պատերազմի ու Արցախյան ազատամարտի հարգելի վետերաններ, զինվորներ ու սպաներ, ջերմորեն շնորհավորում եմ ձեզ՝ Հաղթանակի ու խաղաղության տոնի կապակցությամբ:

1945 թվականի մայիսի 9-ին ֆաշիզմի դեմ տարած հաղթանակում իր անգնահատելի բաժինն է ունեցել նաև հայ ժողովուրդը՝ թե ռազմաճակատում և թե թիկունքում ցուցաբերելով խիզախության ու տոկունության աննախադեպ կամք ու հայրենասիրություն։

Տոնը ևս մի առիթ է՝ հիշելու հանուն հայրենիքի իրենց կյանքը զոհաբերած մեր հերոսներին։ Մայիսի 9-ը նաև հարգանքի տուրքի օր է. փառք ու խոնարհում Մեծ հայրենականում, Արցախյան գոյամարտում, Ապրիլյան քառօրյա և Արցախյան 44-օրյա պատերազմներում զոհված մեր քաջորդիների հիշատակին:

Սիրելի հայրենակիցներ, մեկ անգամ ևս շնորհավորելով Հաղթանակի ու խաղաղության տոնի առթիվ՝ երջանկություն ու բարեկեցություն եմ մաղթում բոլորիդ ընտանիքներին, իսկ մեր սահմաններին՝ հարատև խաղաղություն։