Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Ոգեշնչում» խորագիրը կրող հուշ-ցերեկույթ` նվիրված Մեծ Եղեռնի տարելիցին և վերջին 106 տարում տեղի ունեցած իրադարձություններին
28.04.2021
Ապրիլի 27-ին Իջևանի ավագ դպրոցում կայացել է «Ոգեշնչում» խորագիրը կրող հուշ-ցերեկույթ՝ նվիրված Մեծ Եղեռնի տարելիցին, 1990-ական թթ., Ապրիլյան քառօրյա և Արցախյան 44-օրյա պատերազմներին:
Միջոցառմանը ներկա են եղել Տավուշի մարզպետ Հայկ Ղալումյանը, Տավուշի թեմի հոգևոր առաջնորդ Բագրատ եպիսկոպոս Գալստանյանը, Իջևանի զորամասի հրամանատարի բարոյահոգեբանական ապահովման գծով տեղակալ, փոխգնդապետ Նվեր Մանգասարյանը և այլ պաշտոնատար անձինք:
Հուշ-ցերեկույթին անդրադարձել են նաև դպրոցի շրջանավարտներ Արայիկ Էդիլյանին և Արեն Միրզոյանին, որոնք զոհվել են Արցախյան 44-օրյա պատերազմի ժամանակ։
Միջոցառման ավարտին ավագ դպրոցի զինվորական ղեկավար, պահեստազորի փոխգնդապետ Աշոտ Խաչատրյանին Իջևանի զորամասի հրամանատարի կողմից տրվել է պատվոգիր:
