Տավուշի մարզպետի աշխատակազմ

10 մլն ծառ տնկելու նախաձեռնությունը մեկնարկեց Տավուշի մարզի Հովք համայնքից՝ ունենալով 10 մլն հայերի միասնությունը Հայաստանի պետականության, Հայաստանի Հանրապետության շուրջ խորհուրդը:
«Սա երկարաժամկետ ռազմավարական ներդրում է և օրինակներից մեկը, թե ինչպես պետք է հզորացնել երկիրն ու թիկունքը պատերազմական դրության ժամանակ»,- Հայկ Չոբանյան 

Այսօր Տավուշի մարզպետ Հ. Չոբանյանը, Շրջակա միջավայրի նախարարի տեղակալ Ա․ Մազմանյանը և «Հայանտառ» ՊՈԱԿ-ի տնօրեն Պ․ Ցուգունյանը մասնակցեցին 10 մլն ծառ տնկելու նախաձեռնության շրջանակում իրականացվող ծառատունկին։
Ծրագրի առաջին փուլում նախատեսվում է տնկել 1 մլն ծառ։
«Իջևանի անտառտնտեսության» տարածքում կտնկվի շուրջ 30,000 տնկի։

• Գրանցվե՛ք www.10m.am/ կայքում ու դարձե՛ք 1-ը 10 միլիոնից։ Յուրաքանչյուր մարդ իր ցանկությամբ կարող է տնկել իր իսկ ծառը, հատուկ նախատեսած վայրում, այն անվանակոչելով իր անունով և կայքի ինտերակտիվ հաշվիչի միջոցով հետևել ընթացքին։