Տավուշի մարզպետի աշխատակազմ

   Այսօր Տավուշի մարզպետարանում կայացել է խորհրդակցություն, որտեղ քննարկվել են համավարակի պայմաններում իմունականխարգելման գործընթացի բարելավմանը վերաբերող հարցեր: Քննարկմանը մասնակցել են առողջապահության նախարարի տեղակալ Լենա Նանուշյանը, իմունականխարգելման ազգային ծրագրի ղեկավար Գայանե Սահակյանը, ոլորտային պատասխանատուներ ու մարզի առողջապահական հաստատությունների ներկայացուցիչներ: Խորհրդակցությունը վարել է մարզպետի տեղակալ Թաթուլ Ստեփանյանը: Հանդիպման ընթացքում հաստատություն առ հաստատություն մանրամասն ներկայացվել են կորոնավիրուսային համավարակի ընթացքում իմունականխարգելման գործընթացն ու առկա ցուցանիշները` կարևորելով հանրության իրազեկվածության ու վստահության բարձրացումը: Անդրադարձ է եղել նաև առկա խնդիրներին, որոնց վերաբերյալ տրվել են համապատասխան պարզաբանումներ, արվել առաջարկություններ: