Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կհիմնանորոգվի Տավուշի մարզի Այգեձոր գյուղի առողջության կենտրոնը և կկառուցվի նոր հարկաբաժին
03.09.2020
Այսօր Տավուշի մարզպետարանում Տավուշի մարզպետ Հայկ Չոբանյանը և Stone Development ընկերության գլխավոր տնօրեն Ակիմ Պողոսյանը ստորագրել են համագործակցության հուշագիր: Ազդարարվել է «Այգեձոր» առողջության կենտրոնի հիմնանորոգման և նոր հարկաբաժնի կառուցման աշխատանքների մեկնարկը։
Առողջության կենտրոնը ռազմավարական նշանակություն կունենա տարածաշրջանի համար և կսպասարկի Տավուշի սահմանապահ չորս համայնքների բնակիչներին։
Տավուշի մարզպետ Հայկ Չոբանյանը շնորհակալություն է հայտնել նախաձեռնության և պատրաստակամության համար: Մարզպետը կարևորել է ստեղծված համագործակցությունը և վստահություն հայտնել, որ այս ծրագիրը կարևոր խնդիրներ կլուծի:
«Այգեձոր» առողջության կենտրոնի շենքը համապատասխանելու է առողջապահական և ճարտարապետական ժամանակակից չափորոշիչներին։
Նախատեսվում է հիմնանորոգումն ու նոր հարկաբաժնի կառուցումն ավարտին հասցնել 2021 թ. երկրորդ եռամսյակում։
