Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տավուշի մարզպետ Հայկ Չոբանյանի շնորհավորական ուղերձը շինարարների մասնագիտական տոնի առթիվ
09.08.2020
Շինարարների և ճարտարապետների ստեղծագործական աշխատանքը ժամանակակից քաղաքակրթության հիմքն է:
Հարգելի շինարարներ, ճարտարապետներ, ձեր աշխատանքը բոլոր ժամանակներում ապահովել և ապահովում է մշակութային, գիտական և տեխնոլոգիական առաջընթաց: Դուք բառի ուղիղ իմաստով այսօր կառուցում եք նոր Հայաստանը՝ սահմանին թշնամու ավերած տների վերականգնումից մինչև կամուրջներ և ջրամբարներ:
Մենք այս ոլորտում ունենք մեծ ներուժ, անսահման հնարավորություններ, նաև շատ խնդիրներ, որոնք կարող ենք տեսնել անզեն աչքով՝ պարզապես նայելով մեր շուրջը: Լուծումը ճարտարապետական և շինարարական ժառանգության փոխանցումն է նոր սերնդին, որի համար պատանիները և աղջիկները պետք է ընտրեն շինարարի, ճարտարապետի մասնագիտությունը, որպեսզի ունենանք քաղաքակիրթ, արժանապատիվ և բարեկեցիկ երկիր:
Ընդունեք իմ ջերմ շնորհավորանքը, մաղթում եմ ուժ, եռանդ և առողջություն:
