Տավուշի մարզպետի աշխատակազմ

Հեռավար կրթությունը նաև սոցիալապես խոցելի խմբերում ընդգրկված ընտանիքների դպրոցականներին հասանելի դարձնելու ՀՀ ԿԳՄՍ նախարարության ծրագրի շրջանակում Viva-MTS ընկերությունը Տավուշի մարզի 50 աշակերտների նվիրել է սմարթֆոններ, International Committee of the Red Cross in Armenia կազմակերպությունը՝ 30 պլանշետ:

Ինչպես նաև՝ Beeline Armenia ընկերության կողմից 178 ընտանիքի տրվել է շարժական և ֆիքսված ինտերնետի սակագնային վկայականներ:

Սմարթֆոնները, հեռախոսները և վկայականները տրամադրվում են միայնակ ծնողների, սոցիալապես անապահով, երկու և ավելի դպրոցականներ ունեցող ընտանիքներին։

Տավուշի մարզում շուրջ 200 ընտանիքների դպրոցականներ արդեն հնարավորություն ունեն լիարժեք մասնակցելու հեռավար կրթությանը:

ԿՐԹՈՒԹՅՈՒՆԸ ԴԱՐՁՆԵՆՔ ՀԱՍԱՆԵԼԻ ԲՈԼՈՐ ԵՐԵԽԱՆԵՐԻ ՀԱՄԱՐ