Տավուշի մարզպետի աշխատակազմ

Տավուշի մարզպետ Հայկ Չոբանյանի համապատասխան որոշմամբ ստեղծված կորոնավիրուսի դեմ պայքարի հանձնաժողովի հերթական նիստին քննարկվել են մարզում առկա ընթացիկ հարցերը, մշակվել է հետագա քայլերի պլանը: Նիստը վարում էր մարզպետի տեղակալ Թաթուլ Ստեփանյանը:

Տրվել են հստակ հանձնարարականներ` ՝նոր կորոնավիրուսի վարակի ՀՀ Տավուշի մարզի տարածք ներթափանցումը կանխարգելելու, բնակչության առողջության պահպանման, առողջապահական հաստատությունների աշխատանքի արդյունավետ կազմակերպման, համաճարակային միջոցառումների իրականացմանն անհրաժեշտ մասնակցություն ցուցաբերելու, բնակչության շրջանում իրազեկվածության բարձրացման վերաբերյալ: