Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԵՄ-ն Տավուշում կիրականացնի գյուղատնտեսությունը զարգացնող խոշոր ծրագիր
27.11.2019
Տավուշի մարզպետ Հայկ Չոբանյանը նոյեմբերի 26-ին հանդիպել է «ԵՄ կանաչ գյուղատնտեսության նախաձեռնությունը Հայաստանում» ծրագրի պատասխանատուների հետ։ Հանդիպմանը մասնակցում էին նաև մարզպետարանի համապատասխան ոլորտի ներկայացուցիչները։
(EU-GAIA) Եվրամիության կողմից ֆինանսավորվող ամենամեծ գյուղատնտեսական աջակցության ծրագիրն է Հայաստանում, որը համաֆինանսավորվում և իրականացվում է Ավստրիական զարգացման գործակալության կողմից:
Ծրագրի նպատակն է Հայաստանի հյուսիսային երեք մարզերում՝ Շիրակում, Լոռիում և Տավուշում ընդհանուր և համաչափ ներառական աճի իրականացմանը նպաստելը՝ խթանելով կանաչ գյուղատնտեսության սկզբունքները և ավելացնելով տեղական արտադրանքի հավելյալ արժեքը։
Ծրագրի ղեկավար Պասկալ Բոկկերսը ներկայացրել է Տավուշի մարզում ծրագրի մեկնարկը։ Մարզային գրասենյակը գտնվում է Վանաձորում։ «ԵՄ կանաչ գյուղատնտեսության նախաձեռնությունը Հայաստանում» ծրագրի հիմնական ուղղությունները դաշտավարությունն է, պտղաբուծությունը, բուսաբուծությունը։
Հանդիպման ընթացքում քննարկվեցին Տավուշում հնարավոր համագործակցության ուղղությունները և զարգացման հնարավորությունները, մասնավորապես՝ օրգանական գյուղատնտեսության զարգացումը և ոչ ավանդական բույսերի և բնմաթերքի արտադրությունը։
Ծրագիրը ֆինանսավորվում է Եվրոպական միության, համաֆինանսավորվում ու իրականացվում է Ավստրիական զարգացման գործակալության կողմից։
