Տավուշի մարզպետի աշխատակազմ

Նոյեմբերի 15֊ին Իջևանի քաղաքային մշակույթի տանը տեղի ունեցավ "ԵՎ միտք, և սեր, և երգ" խորագրով միջոցառում՝ նվիրված Կոմիտասի և Թումանյանի 150֊ամյակին։

Միջոցառումը բաղկացած էր երկու մասից, որոնք իրենց մեջ ներառում էին տեսաֆիլմեր, որտեղ ներկայացված էին Կոմիտասի և Թումանյանի կյանքն ու ստեղծագործությունները, բեմական֊ թատերական մոնոներկայացումներ, երաժշտական և պարային համարներ ։ Մշակույթի տան նախասրահում ցուցադրված էին Իջևանի "Վերնատուն " պատկերասրահի կողմից տրամադրված հայ նկարիչների գործեր՝ նվիրված Հայաստան աշխարհին, գյուղական բարքերին ու կենցաղին։

Պարային համարներով և կատարումներով հանդես եկան անհատ կատարողներ, Իջևանի ավագ դպրոցի սաները, ԵՊՀ Իջևանի մասնաճյուղի ուսանողները, Իջևանի արվեստի դպրոցը՝ իր "Գարուն" պարային համույթով, երաժշտական դպրոցը , "Ren" պարային ստուդիան, " Bemels" ստուդիայի Իջևանի մասնաճյուղը , "Ուրվագիծ" պարային համույթը, Ավանդույթ " ՓԲԸ֊ն, Հայ առաքելական եկեղեցու հովվական առաջնորդարանը Իջևանի պատմաերկրագիտական թանգարանը, ՍՕՍ մանկական գյուղը։

Միջոցառումը կազմակերպել էր Իջևանի մշակույթի տան գեղարվեստական ղեկավար Օլյա Օհանյանը։