Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Ջինիշյան հիշատակի հիմնադրամը Տավուշում հանդես կգա նոր ծրագրերով

05.11.2019

 

Հայկ Չոբանյանը հանդիպում է ունեցել Ջինիշյան հիշատակի հիմնադրամի տնօրեն Արմեն Հակոբյանի և տնտեսական զարգացման ծրագրերի կոորդինատոր Լիանա Սարգսյանի հետ։ Հանդիպման ընթացքում քննարկվել են այն ծրագրերը, որոնք իրականացվելու են Տավուշի մարզում, մասնավորապես՝ «Հայաստանի երիտասարդ ձեռներեցներ» և «ՏՏ, Ձեռնարկատիրական հմտությունների զարգացում գործազուրկ բնակչության համար»՝ ՀՀ մարզերում տնտեսական զարգացման խթանման նպատակով։

«ՏՏ և Ձեռնարկատիրական հմտությունների զարգացում գործազուրկ բնակչության համար» ծրագրի նպատակն է աջակցել 18-50 տարեկան բնակչությանը ՏՏ ոլորտում մասնագիտանալու և հետագայում նաև սկսելու իրենց սեփական բիզնեսն իրենց իսկ համայնքներում: Ծրագրի ընթացքում մասնակիցներն անցնելու են 6-ամյսա խորացված դասընթացներ և 2-ամսյա աշխատանքային պրակտիկա։

Ծրագրին կարող են մասնակցել բոլոր այն ՀՀ քաղաքացիները, ովքեր.
• ունեն ցանկություն սովորելու և հետագայում աշխատելու ծրագրավորման ոլորտում
• այդ թվում ցանկանում են ձեռք բերել բիզնեսի կառավարաման և տեխնիկական այլ հմտություններ
• ունեն ցանկություն մարզերում սկսելու իրենց սեփական բիզնեսը ՏՏ ոլորտում
• ունեն մասնագիտական խորհրդատվության ու ֆինանսավորում ձեռք բերելու կարիք

«Հայաստանի Երիտասարդ ձեռներեցներ» ծրագրին կարող եք ծանոթանալ այստեղ։

Ջինիշյան հիշատակի հիմնադրամը Հայաստանում իր գործունեությունը սկսել է 1993 թվականին: 1966 թվականից Ջինիշյան հիշատակի ծրագիրը կարևորագույն ծառայություններ է մատուցել և օգնություն տրամադրել Լիբանանում, Սիրիայում, Թուրքիայում, Իրանում, Իրաքում, Հարավային Ամերիկայում, Հորդանանում և Հայաստանում ապրող միլիոնավոր հայերի, որոնք ապրելով հակամարտության և անկայուն պայմաններում` դժվար կացության մեջ են եղել:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-11-20 17:07:03