Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Կայացել է հանրային քննարկում՝ ՀՀ զբաղվածության պետական ծրագրերի վերաբերյալ

30.10.2019

Հոկտեմբերի 28-ին ՀՀ աշխատանքի և սոցիալական հարցերի նախարարությունը աշխատանքային իրավունքների հանրային իրազեկման քարոզարշավի շրջանակներում, ՕքսԵՋեն հիմնադրամի աջակցությամբ, Տավուշի մարզպետարանում շահագրգիռ կողմերի հետ կազմակերպել էին հանրային քննարկում՝ ՀՀ զբաղվածության պետական ծրագրերի վերաբերյալ:

Միջոցառմանը մասնակցում էին ՀՀ աշխատանքի և սոցիալական հարցերի փոխնախարար Արման Ուդումյանը, Տավուշի մարզպետ Հայկ Չոբանյանը, համապատասխան պետական կառույցների ոլորտային պատասխանատուները:

Հանդիպման նպատակն էր բարձրացնել հանրության իրազեկվածության մակարդակը զբաղվածության պետական ծրագրերի վերաբերյալ, ինչպես նաև վերհանել զբաղվածության պետական ծրագրերի իրականացման հետ կապված խնդիրները և հնարավորություն ընձեռել շահագրգիռ կողմերին հանդես գալ առաջարկություններով:

Միջոցառման ընթացքում ներկայացվել են զբաղվածության պետական առկա ծրագրերը, զբաղվածության պետական գործակալության Տավուշի մարզի Իջևանի տարածքային կենտրոնի շահառուների հաջողված/հաջողության պատմությունները, քննարկվել են ծրագրերի ընթացակարգերը, դրանց հետ կապված խնդիրները, առկա ծրագրերի բարեփոխումները և հնարավոր այլ ծրագրերի անհրաժեշտությունը: 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-11-20 17:07:03