Տեղեկատվական կենտրոն
Նորություններ
Համաժողով՝ մարզում կրթության և տնտեսության սերտ համագործակցության նպատակով
28.10.2019
«Մասնագիտական կրթություն և
ուսուցում−համագործակցություն» ծրագրի շրջանակում, ՀՀ ԿԳՄՍ «Բիզնես և կրթություն−համագործակցություն» հիմնադրամի հետ համատեղ ԵՊՀ Իջեւանի մասնաճյուղում տեղի է ունեցել «Կրթության և տնտեսության համագործակցությունը մարզերում» թեմայով համաժողով:
Համաժողովին մասնակցում էին Տավուշի մարզպետ Հայկ Չոբանյանը, ՀՀ ԿԳՍՄ նախարարի տեղակալ Գրիշա Թամրազյանը, նախարարության նախնական ֊արհեստագործական և միջին մասնագիտական կրթության վարչության պետ Արտակ Աղբալյանը, «Երևանի պետական համալսարան» հիմնադրամի Իջևանի մասնաճյուղի տնօրենի պաշտոնակատար Անուշավան Մակարյանը, գերմանական «Մասնագիտական կրթություն և ուսուցում (ՄԿՈՒ) համագործակցություն» ծրագրի ղեկավար Ուտե Ֆոկը, «Մասնագիտական կրթություն և ուսուցում−համագործակցություն» ծրագրի ղեկավար, «Բիզնես և կրթություն-գործընկերություն» հիմնադրամի (ԲԿԳ) հիմնադիր Մարինե ժամկոչյանը:
Համաժողովի նպատակն էր՝ նպաստել մարզում աշխատաշուկա-մասնագիտական կրթություն համագործակցության ամրապնդմանը, մասնագիտական և կրթության համակարգի բարելավմանն ուղղված երկխոսության ձևավորմանը:
Քննարկվել են ոչ միայն Հայաստանի, այլև Տավուշի մարզի աշխատաշուկայի կարիքներն ու պահանջները, ձեռնարկությունների դերը նախնական֊արհեստագործական և միջին մասնագիտական ուսումնական հաստատությունների հետ համագործակցության հարցերում, ներկայացվեցին կրթական ոլորտում իրականացվող բարեփոխումների շրջանակում կատարվող աշխատանքները:
Այնուհետև հյուրերն այցելել են Իջևանի գինու, կոնյակի գործարան, Բերդի պետական բազմագործառութային քոլեջ և «Տավուշ տեքստիլ» ընկերություն: