Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ՀՀ կրթության, գիտության, մշակույթի և սպորտի նախարարի տեղակալ Արայիկ Խզմալյանի այցը Տավուշի մարզ

01.10.2019


Սեպտեմբերի 27-ին ՀՀ կրթության, գիտության, մշակույթի և սպորտի նախարարի տեղակալ Արայիկ Խզմալյանն այցելեց Տավուշի մարզ:
Արայիկ Խզմալյանը եղավ մարզի կրթական, մշակութային հաստատություններում, որտեղ կազմակերպվեցին հանդիպում-քննարկումներ:

Այցի նպատակն էր տեղում ծանոթանալ մարզի մշակութային գոծունեությանը, կրթամշակութային հաստատությունների տնօրենների հետ ունենալ հանդիպում-քննարկումներ՝ հետագա անելիքների և հնարավոր համատեղ նախագծերի իրականացման վերաբերյալ:

Նախարարի տեղակալն իր շրջայցը սկսեց Դիլիջանի համայնքապետարանից, այնուհետև այցելեց Դիլիջանի երկրագիտական թանգարան-պատկերասրահ, Հովհաննես Շարամբեյանի անվան գեղարվեստի դպրոց, Դիլիջանի արվեստի պետական քոլեջ, որտեղ ծանոթացավ ՀՕՖ-ի աջակցությամբ իրականացվող հիմնանորոգման աշխատանքներին, ապա այցելեց Ժողարվեստի թանգարան, ծանոթացավ շենքի անմխիթար վիճակին, այն գնահատելով որպես հրատապ լուծում պահանջող խնդիր: Դիլիջանի գեղարվեստի դպրոցում փոքրիկ համերգով հանդես եկան դպրոցի պարային համույթի և Արվեստի քոլեջի սաները:

Իջևանում փոխնախարար Արայիկ Խզմալյանը մարզպետ Հայկ Չոբանյանի ուղեկցությամբ ներկա գտնվեց «Տավուշն աշխարհի աչքերով» միջազգային նկարչական սիմպոզիումի փակման միջոցառմանը և ցուցահանդեսին։

Հանդիպումները եզրափակվեցին Տավուշի մարզպետարանում, որտեղ փոխնախարարը հանդիպեց ՀՀ Տավուշի մարզպետին կից մշակութային հանձնախմբի անդամներին: Հանդիպման ընթացքում Հայկ Չոբանյանը համառոտ ներկայացրեց մշակույթի ոլորտում իրականացվող աշխատանքները և խնդիրները։

Փոխնախարարը պարզաբանեց ներկայումս հանրապետությունում վարվող մշակութային քաղաքականության հիմնական կողմերը և պատասխանեց ներկաներին հուզող հարցերին:

Անդրադարձ եղավ նաև մարզի մշակութային հիմնահարցերին և ձեռք բերվեց դրանց լուծմանն ուղղված պայմանավորվածություններ։

Ամփոփելով հանդիպումներն Արայիկ Խզմալյանը մասնագիտական գրականություն նվիրեց երաժշտական, արվեստի և գեղարվեստի դպրոցներին:

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-10-19 12:42:25