Տեղեկատվական կենտրոն
Նորություններ
Դիտավան համայնքում շարունակվում են իրականացվել բարեգործական ծրագրեր
05.09.2019
Արդեն 10 տարի է արգենտինահայ բարերար Նադիա Էքսերճիէանը Տավուշի մարզի Դիտավան համայնքում իրականացնում է բարեգործական ծրագրեր՝ համայնքային կենտրոնի նորոգում, որն իր մեջ ներառում է բուժկետ, գրադարան, համայնքապետարան, հանդիսությունների սրահ և այլն, համայնքի գազաֆիկացում, խմելու ջրի ջրագծի և ներքին ցանցի կառուցում: Բարերարը կառուցել է նաև Դիտավան համայնքի հիմնական դպրոցի նոր մասնաշենքը, մարզադահլիճ, ապաստարան և նախակրթարան:
Այսօր Նադիա Էքսերճիէանն այցելել էր Դիտավան համայնք` ծանոթանալու կատարված աշխատանքներին: Վերջինս զրուցեց գյուղացիների հետ, ծանոթացավ նրանց առօրյա կյանքին և խնդիրներին: Այնուհետև դրամական օգնություն տրամադրեց նորածիններին և նորակազմ ընտանիքներին:
Բարերարի աջակցությամբ համայնքում տեղադրվել են նաև արևային ֆոտովոլտային կայաններ, իսկ 21 անապահով և հաշմանդամ ընտանիք ստացել է արևային ջրատաքացուցիչներ:
Օրը ամփոփեցին դպրոցի մարզադահլիճում, որտեղ բեմականացվեց Պարույր Սևակի «Անլռելի զանգակատուն» պոեմը: